Fašenjski odbor je na svoji godišnji skupštini, pod predsedanjem uvaženoga gospona Vrapca, pretepel sve kaj se v naši ljepi Dobravi pripetilo lanjskoga ljeta.  Bilo je tu sega: i dobroga i hudoga i vrednoga i onoga malo menje vrednoga i spametnoga, ali, bogme, i blesavoga bilo je komediji i tragediji raznorazni zgodi i još već nezgodi, fnogo problemi i još već dilemi sakojačke zafrkancije, huncvutarije, svinjarije i  pizdarije koje su se lanjsko ljeto pripetile v ljepi nam i dragi Dobravi     Pretepli smo se vuljice i kraje, udruge i društva, doktore veterinare, zubare, zadrugare, vinogradare i podrumare, mesare, pekare,  zidare, tesare, eljektričare i dimnjačare, grobare, gumače i pumpače, šnjadere i šujstere , automobiliste, bicikliste i traktoriste, se vozače i pešake Isto tak smo preteplji se one koji delaju, ali i one koji nemreju ili pak nečeju delati se naše mangupe, zafrkante, zajebante, komedijaše i lakrdijaše, nogometaše, košarkaše, kuglaše, vatrogasce, lovce i krivolovce slogaše i dobravske puhače, oženjene, neoženjene, razvedene i ostavljene, zdrave, betežne, veljke i male  i se druge koji z nami v Dobravi živeju. Fašenjski odbor se naljuknul i v Općinu i pogljedal kaj nam delaju općinski poglavari i si dušebrižniki koji se već brigaju kak nam je  v Općini nego kak njim je na gruntu. Znate kaj, bolje da smo Općinu preskočili. Sammo bi se o naši Općini mogel celji Vrabec  napisati. I to jen dogi, jako, jako dogi Vrabec.  Posljuhnite si samo kao se naši općinari  pominaju – to vam je Vrabec kakvoga niti vi niti mi ne bi moglji zmisljiti. I dok smo se zbrojili i malo posložili, članovi Fašenjskoga odbora na čelu s gosponom Vrapcom, donesli su odluku:  Se kaj je dobro nek ostane kak je bilo. To kaj je bilo dobro smo prečitali i v našim  Dobravskim novinama isto kak i v ostalim  javnim glasilima. Ali ono kaj ne valja, Odbor je odlučil javno obznaniti. Onima koji se nutri najdeju, nek bo to naputek kaj drugi pot paze kaj delaju, A onima koji su ne tri, nek bo to upozorenje    kaj i oni ne počneju delati  kak oni koji su nutri.No, dragi naši, vreme je za godišnji Vrapcov izvještaj. A, ako se što od vas nutri i prepozna, sam si je kriv. I nek mam z nosom ne zavija. Se je to samo još jena fašenjkova huncvutarija.

1 Jen naš Dobravčan je čul da ga očeju zabrati za predsednika jene udruge. Vrabec ne zna – od veselja ili od jada – čovek se tak jako napil kaj je dimo ne mogel ili ne znal sam oditi. Pajdaši su priskočili v pomoć i problema rešili – otpeljalji su ga dimo. Vrabec jedino ne zna elj mu je on koji ga je dimo peljal, računal vuru šlepanja kak vuru piljenja drva z traktorom.  Šifra: Se je dobro samo nek se srećno dimo dojde!

2 Dok Dobravski puhači po selu igraju, ljudi im štacije postavljaju kaj ih počaste: nešto kolače, nešto soke, nešto nekakvo vinčeko… I to se unda Puhačima prejdi najavi kaj bi si oni mogli naprajti rasporeda. Nemreju  v jenem kraju samo piti i jesti, a v drugem samo igrati. Red se mora znati, a i čobe treba  z vremena na vreme malo počinuti i navlažiti. I tak se jen naš Dobravčan prijavil za štaciju. Puhači pušu i pušu v svoje štrumente, već su malo zmočeni, ali i srećni jer znaju da za zavojom čeka šatacija. No, zavoj je došel i prešel, ali obećane štacije nega! A niti gospona koji ju je obečal. Vrabec ne zna točno kaj je v pitanju, ali negdi je načul da se spominju nekakve tablete. Što zna, more biti da je čovek zbetežal. Ako je tak, unda mu je oprošteno. Šifra: Samozvani grofe, propala ti titula!

3 Vrabec je, kak i fnogi Dobravčani, za Dobravsko pročćenje jel jako fine bograče. Kuhale su ih naše udruge, a potlji su ih si moglji probati. No, jeni se udrugi njihov bograč tak dopal (ili  je morti i ne bil tak dober?) kaj su mam z njim pobegli z Krbulje. A i košarkaši su ostalji gladni, osim ako su ne na Dravu odišli probati kakov je. Šifra: Bograč je bolji na fljojsu!

4. Vrabec je hitil joko i malo prek granice Ljepe naše. Pratil je jeno naše društvo na izlet v Bosnu, v nekvo etno-selo, tu mam pri granici. Sima je bilo jako ljepo i zabavno, ljudi su nekaj vidlji, čuli nekaj novoga, a i nekaj si kupili. Pak je tak i jen naš stari dečko, duša umetnička i glazbena, na autobus došla z Biblijom pod rukom. Ponosno ju je pokazal ljudima v autobusu i štel njim nekaj prečitati, ali neje išlo. Zgljeda da je preveč dogo prešlo od škole i da je naša dušica zabila – ćirilicu.P Šifra: Biblija je biblija, makar i na ćirlici!

5 Vrabec zna da je negda Dobrava bila raj za fljojsare, zlatare, mlinare, šnajdere, kovače… No, zgljeda da su došla druga vremena: ve je Dobrava raj za advokate. Za sako sitnicu bežimo k advokatu i na sod. I dok treba i dok ne treba. I za kaj treba i za kaj ne treba. A advokati – znate kak se ve spominaju? – dej mi Bože bar jenoga Dobravčana ili bom moral kancelariju zaprti. Kuljko Vrabec čuje, ova se pošast ve počela širiti i po susjednom nam Vidovcu. Zato, Vidovčani, pazite se! Šifra: Dok jega soda i advokati, ja bum tožil!

6 Dobrava se fejst pripravlja za turizam. Tak se več i naši autobusači pripravljaju za turistički bum. I to tak jako kaj su nekoji počeli vežbati i po Mađarski. Mesto kaj bi naše Puhače opeljali ravno tam kam treba, oni su na svoju roko organizirali panoramsko vožnjo po mađarskim goricama. Vrabec misli da je to jako ljepo, pogotovo ako je takov razgled ne posebno naplaćen. Šifra: Vožnju plati, a razgled goric je besplatan!

7 Jen Dobravčan je, kak pravi pajdaš, posodil svojega auta prijatelju z Vidovca. Of ga je potlji vrnul, stal je, zakljenol auto, skril ključa pod kotač i odišel dimo. Se pošteno i dobro osim mesta de je ostajil auta – fuljal je prijateljevo hižu za jeno 300 metri. A ljudi koji su to jutro išli od meše – kaj su si misljili? Isto kaj i pajdašova žena: Norc se pak napil i ne znal de je domaj!   Šifra: Kaj si posodiš, vrni tam de mu je mesto!

8 Ljepo je za svojega staroga japu naprajti proslavu rođendana. A kakva bi to proslava bila bez rodbine i prijatelj. Se je bilo v redu do samoga kraja. Došel je hotelski konobar i sakomu gostu dal njegvoga računa: kaj si pojel i spil, ve ljepo plati. Samome Bog fala kaj su gosti imelji sebom novčanike. Vrabec ne zna je li to novi običaj ili pak je organizatorima proslave ponestalo penez. Nekaj se poveda da su advokati i ne tak fal, pak je ve za rodbinu i pajdašiju sfaljilo.  Šifra: Platiš samo ono kaj poješ i spiješ!

9 Ključi jenoga malo fineša auta zbantuvali su jeno noć pol Vidovca i pol Dobrave.  Dečki su se malo zaigrali z gemišti pak je na kraju ništo ne znal koji je čiji auto, a kamoli koja je čija jakna. Tak je jena dobravska jakna završila vu Vidovcu, a vidovska je ostala v Dobravi. Se v redu: Jena jakna meni, jena tebi. Jeni ključi od auto meni, a jeni tebi. Si su odišlji dimo osim jenoga našega Dobravčana koji je imal i auta i ključe, ali krive. Zato, dragi Dobravčani, pazite kak feštate i čije jakne zemljete  kaj se nado delale nočne inventure. Šifra: Dobravski ključi v dobravskem autu!

10 Nekoji dobravski večniki misljijo da imaju, kak pravi saborski zastupniki, imunitet i da morejo delati kaj očejo i da njim ništo nikaj nemre. E, tu se jen jako fkanil – naletel je i on na škliski teren pak se (uz malo pomoć dveju prijatelji) popiknol i malo stokel. Ali to kaj su mu pred ponom krčmom naprajli, je ne praf ljepo. Mogli su predi stati, samo su morali prečitati da na vratima piše STOP.Šifra: Imunitet ne štiti od STOPA!

11 Si koji rođendane slave, moraju se za proslavu i fizički i psihički priprajti. Ali ne kak jen naš Dobravčan koji je pripremu za svoju proslavu delal od ranoga jutra po sistemu: od krčme do krčme.  I kaj je unda nekaj čudnoga kaj je naš vrli slavljenik popolne v svoji hiži pred čestitarima za stolom zaspal. Šifra: Važna je kvalitetna priprema!

12 Naša Dobrava ima fine dravske kapetane i navigatore koji vupaju tijam do Mađarske z čonom peljati svoje goste i tem se ljepo na ušču Mure i Drave podružiti. Najempot su se nad Dobravom zdigli  kmični oblaki. Navigator je rekel da bo to odišlo drugam i još jeno ili dve litre vinčeka otprel. Tek su se unda dimo otprajli. Ali oblaki koji su morali oditi, su i dalje nad Dravom ostali i na jadne čonare pravoga pljuska spustili. Mokri z vuna i znutra, nisu ni vidli da se voze cik-cak: od obale do obale. Objašnjenje našega vrloga navigatora bilo je da je vidljivost bila slaba, da je uz dežd curela i soljika i da je od veljke vlage motor zakazal.   Šifra: Jebeš Titanika, mi ne tonemo!

13 Jeno noć je Vrabec videl jenoga gospona kak rivlje bicikljina pet-šest pot okolji vatrogasnoga doma i skladišta Tehnodoma. Vrabec zna da je čovek pred penzijom pak si morti ve išče nekvoga dodatnoga posla: ili za domara pri vatrogascima ili za skladištara v Tehnodomu. No, morti je objašnjenje jednostavnije: naš je Dobravčan jednostavno iskal prometne znake kak zijti z toga (alkoholnog) labirinta vun. Šifra: Ljevo-desno nigdi nikvoga znaka za dimo!

14. Si koji bi se na Dravi šteli malo zabaviti uz pijaču, roštilj i muziku, nek paze kak je muzika glasna. Nekima v seli to jako smeta pak vam unda pošljeju inspekciju na vrata. Šifra: Veseli momčići!

15. Dobravčani ne igraju i ne natječu se. Ne verjete? Jednostavno vam je - košarkaši su izbačeni, a v nogometnom klubu dečki igraju, ali samo stranjski. Sreća je kaj imamo dekljice koje igraju košarkašku pak se unda ipak natječemo. Šifra: I ve ti navijaj za naše ako moreš!

16. Si bi šteli nekaj herbati. Ali ako mislite nekaj nasljediti od strica, pazite koga  puščate k njemu. Stric je hmrl, a i penezi su „hmrlji“ skupa z njim. Srečom, bar je grunt ostal.Šifra: Kaj je stricovo, to je i moje!

17. Dobre vesti za so našo decu, mame i omladinu! Zgljeda da bomo ipak dobili slastičarnu. Vrabec vidi da su radovi na obnovi konačno počeli. Jedino se malo boji da bi slastičarna – kak radovi brzo napreduju – mogla biti otprta tek unda dok bodo naši unuki peljali svoji decu na sladoled. Šifra: Bolje ikad nego nikad!

18. Kafić pri naši željezari je jeno jako ljepo mesto. Tam se dobro osečaju i mladi i stari. Ali, kak i v saki krčmi, sega jega. Tak je jena naša stareša penzionerka vut kafić pozvala kolegice na kavu. Kavu su spile, ali platile nesu. Naša je penzionerka domaj zabila kobilara.Šifra: Za dom spremni!    Pardon :     Za (starački) dom spremni! 

19 Vrabec je od policije dobil obavest da se otpira natječaj za osobu koja ostvari najviše prijava. Prijave su anonimne, a najvrediji prijavitelj dobiva ljepu nagradu. Ovu obavest vam objavljujemo, ali mislimo da se pobjednik već zna. To je osoba koja je do ve največpot zvala policiju i ljude tožila, a dok je policija na njezin poziv ne došla, unda je i njih tožila jer su ne došli.  Šifra: Sigurnost i povjerenje! 

20. Još jena obavest: Traži se donator bilo kakvoga betega na temelju kojega je moći dobiti debelo bolovanje. Donator se more javiti ženi v Ulici lipa.Šifra: Dej kaj daš samo da je ne smrtno!

21. Dobrosusedski odnosi v Vulici prvomajsko su se pokvarili. Jen Dobravčan je imel samo parcelu za gradnju i z semi si je bil dober. Posebno z sosedom k koji se hodil gret i krepit. No, ve je zrasla nova hižurina, a ljubav je počila za jen meter zemljice. I za zdenec koji je već sto ljet na međi. Ako i vu njem vode nega, nema veze: Moj je!Šifra: Svoje nedam, tuđe bi štel!

22. Vrabec upozorava na poštenje. Ako ste z 65 ljet doznali da imate polubrata, bilo bi pošteno z njim podelit herbariju. Krv ipak nije voda!Šifra: Ako laže krava, DNK ne laže!

23. Nasljedstvo je zaguljena stvar! Ve je moje, ali je ipak ne moje. Nekaj sam dobil, ali smo to ne zapisali, pak je ve već ne moje… A na tom kaj je moje, ali je ipak ne moje, zrasla je drvena bajtica. Koja je na nečiju žalost, a na nečiju sreću – zgorela. Kak je zgorela - ništo ne zna. Vlasnik je policiji prijavil nepoznatog počinitelja. Drugi pak velje da je vlasniku natezanja „moje – tvoje“ bilo dosta pak je stvar rešil sam. Niti za jeno niti za drugo dokazi nega. Ako se kaj dozna, Vrabec vas bo izvestil.Šifra: Prohujalo s požarom!

24 Televizija je pona sakojački emisiji. V jenima se popeva, v drugima pleše, v trečima se išće mož ili žena, a v jenim se kuha. E, baš za to emisiju de se kuha Vrabec predlože dve naše preštimane gospođe koje su „vrsne“ gazdarice, „vrsne“ sokačice, v sem novinami su bile, si ih sikam zoveju... Drage moje, „Večera za pet“ je rođena za vas!Šifra: Što se sam folji, najbolje se folji!

25. Milano, London, New York, Pariz – tu je svetska moda. A ve je tu i Dobrava. Naime, jena naša postareša gospođa nosi suknje na sakojako živinu: geparda, tigrove, lavove… Skoro kaj bi misljili da ste na safariju. A ako slučajno v noči vidite da se nekaj blesiče, najte se bojati. Nesu to vanzemaljci nego svetleća trakica naše modno ovesčene gospođe. Šifra: Dobravski tjedan mode!

26. Jena dobravska udruga obavestila je Vrapca da je uredila životni prostor za svoje peseke. Napravili su im kućice, uveli klimu, peseki spiju na Dormeo madracima, a imaju i svoje igračke. Peseki su zdravi, čisti, uredni i kulturni, za razliku od peseki nekojih članova te udruge. Šifra: Tu se nema koga za kaj tožiti!

27. Božić je zdavnja prešel, ali uspomene ostaju. Pogotovo na nekoje koji ne znaju da se velečani v obilasku drži reda. No to je ne smetalo jenu našu ženu kaj bi križare prek reda pozvala k svoji hiži: „Velečasni, znam da je naša strana vuljice ne na redu, ali hote k nam jer nas zutra nega domaj.“ Neje ju bilo briga kaj njezini sosedi čekaju na red i kaj je pošemerila raspored obilaska. Važno da je ona dobila kaj je štela. A kaj je druge z bedaki naprajila, nema veze! Ha, moj Bože, što njim je kriv kaj su bedaki!Šifra: I pred Bogom se treba snajti!

28 Dobrava je puna vredni ljudi. Se kaj je moći sam naprajti, naprajimo sami. Pa tak i trsje sami obrežemo. Tak se i jen naš vredni Dobravčan hapil trsje rezati. Dok čita, nosi očale, ali su mu za rezati trsje očele ne treba. Pak kaj mu one ne bi smetale, del jih je kraj sebe na zemlju. Rezanje je malo potrajalo, a dok se vrnul po očale, imel je kaj videti: pes mu je očale pojel. Vrabec ne zna zakaj: ili su mu ne pasale ili je mislil da je to nekva igračka. Šifra: Nesu očale za sakoga!

29 Idemo još jempot na Križec. Jena je familija celo dopolne čakala križeca. No, muški su si malo spili pak su se i malo pozabili. Križari su vutom došli i dišli – ništo ih je ne dočakal. Pak su unda za križarima morali bežati kaj ih nazaj pozoveju. Šifra: Što čeka, dočeka!

30 Naši su ljudi vredni, ali i skrbni. Šparaju de se god more prišparati. Tak su se jemput naše Dobravčice z autom v Zagreb sprajle. Ali – auto je crkel i neje mogel dalje. Naše su se dekle snašle: auto pe na prikolicu (i to su platile!), ali su na sebi prišparale: mesto z taksijom, z Zagreba su došle v potrtem autu koji se na prikolci vučne sljužbe peljal.Šifra: Treba šparati de se more!

31 Si znamo da auto košta i da ga treba održavati. Najlježi je zeti moževoga auta pak se z njim po celi Ljepi naši voziti. Se je bilo v redu dok je mož ne pital ženu za tehnički na autu. Žena je pojma ne imela da ji tehnički već mesec dni ne vredi. Iako je moža skoro šlag strefil, se je dobro prešlo – neje bilo nikve kazneŠifra: Tehnički je sako ljeto na isti datum!

32 I becikljine treba održavati: lanca podmazati i gumije napumpati. Ako pak becikljin dogo stoji, gumije puste ili pak postanu lozne. A unda idete do punice – koja živi 500 metri od vaše hiže – i sebom pumpu zemete kaj slabe gume na tom dogem potu bar tripot napumpate. Šifra: Glavno je da pumpa dobro pumpa!

33 Ne znam kak vas, ali našega Vrapca jako smeta to kaj dvapot na ljeto menjamo vure: jempot nazaj, a jempot napri. A to menjanje vuri i našim ljudima dela probleme. Kak jeni naši mami koja je na Vuzem čerku i zeta na zajtrek pozvala. Se je splanerala: stanem se v sedem i dok čerka i zet dojdu, zajtrek je gotov. I bilo bi tak da je ne nešto v sedem vur na vrata pozvonil. Čerka i zet su došli na zajtrek, a ona v pidžami.Šifra: Jebeš vuru koja ide malo napri, a malo nazaj!

34 Nekoga zezne vura koja ide malo nopri, a malo nazaj, a nekog kalendar i dnevi v tjednu. Ljepo je rodbinu na obed pozvati. Ali se unda treba i dobro priprajti. Pak je tak naša domaćica već denes počela pripravljati se kaj treba zutra za obed. Popajdoč je i kuhala obeda za domaće. Morete si misljiti kak se iznenadila dok su joj na vrata došli pozvani gosti. Nešto je zmel datume i dneve v tjednu. A kaj ve? Nikaj! Gosti su tu pak su z domačimi jeli, ali su zutra sejeno na pravi obed došli. Pak namo ve meso nazaj v škrinju nametali! Šifra: Jempot je jempot, ali je bolje dvapot!

35 Auta je ljefko kupiti, ako imaš peneze. Dojdeš k vlasniku, daš mu peneze, naprajite ugovora v koji napišete što kupuje a što trži, napišete broje od auta, njegvo registraciju i odijete na tehnički. I auto je vaš. Je, vaš je ako ste se dobro napisali, a ne kak jeni koji su krive broje napisali pak su nazaj tijam v drugu županiju novoga ugovra išli delat. Vrabec ne zna elj ih je gazda još jempot počastil z kavom, kolači i pijačom, ali duploga pota su sami platili. Šifra: Čitanje i pisanje se v osnovni školi vuči!

36 Peneze treba šparati i čuvati. Nešto njih čuva v banki, nešto v šomfi, a nešto pri sosedi. Dok vam trebaju, dijete v banku ili stepete štomfu ili pak prosite sosedu kaj vam vrne peneze. Ali, se bi bilo dobro da je ova soseda tuđe peneze ne tak dobro skrila kaj ih je unda niti sama ne mogla najti. Vrabec ne zna kak je priča završila. Valjda se se penezi na kraju našlji jer su si sosede i dalje dobre.Šifra: Bolje dobro skriti nego zgubiti!

37 Ljepo je familiji pomagati. Pogotovo punici pomoći kalampera pobirati. Ali,  do polja treba dojti ili pešice ili nekak drugač. A ako nejdete pešice, dobro si premisljite s kojim prevoznim sredstvom pete napolje. Jen naš zet je o tome ne baš preveč misljil, pak se do polja fejst zvrnul, nosa si zguljil i nove očale potrl. Šifra: Ne zove se dečji romobil zabadav „dečji“!

38 I za kraj još jena huncvutarija v koji je ništo za nikaj ne kriv i v koji je ništo nikome ne štel zlo naprajti. Dogodilo se!Jeni naši dečki se jako volje kartati. A očete kaj ljepšega nego uz gemištek ili pivicu odigrati koju partiju bele uz obalu Drave. Ako treba i do noči.Partija je dosta dogo trajala. Rezultata naš gospon Vrabec ne zna, ali je siguren da je uz sako partiju koj litrek ili koja pivica poginula.Već pomalji umorni, kartaši su se pomalji pakovali dimo. Jenome je vinčeko več malo naškodilo pak se stal i krenul dimo. No neje dalko došel: naprajil je par koraki, a unda ga stislo. Znate, ono kam i kralj ide pešice. A kaj ve? Nikaj! Idemo za prvi grm, hlače dolji i… Znate već kak to ide. Vutom toga se i drugi stal. Nešto ga je zval na mobitel. Naprajil je par koraki dok je i njega stisnulo. Ne tak jako onoga prvoga. Bila je to „mala nužda“. I kaj? Vupri se v prvi grm i olakšaj se. I to baš v on grm v kojem je čepel naš prvi kartaš. Naš prvi kartaš je v grmu mudro čkomel. Ali ne dogo. Znate, gemišti svoje delaju i „mlaz“ drugoga karataša je postajal se jakši i jakši pak je došel i do njega. Neje vupal nikaj reči nego si je fljetno potegel hlače gori i štel se meknuti. I bilo bi se v redu da je ne stal vu ono kaj je ostajil za grmom. Poškliznul se i sel si na  ne baš malji kup kojega je do unda naprajil. Drugi kartaš je završil i z razgovorom i svojom „malom nuždom“ i vrnul se na još potni gemišt. A naš bokček prvi kartaš? Kaj je mogel nego oditi dimo i pijan i poscani i posrani. Kak je ženi objasnil kaj mu se dogodilo, sam dragi Bog zna. I ve vi meni rečite da Bog čuva i pazi na budale i pijanace. Ne bi se baš složila!

Presuda Fašenjku

Eto, dragi Dobravčani i Dobravčice, ovo je se za prošlo ljeto, ljeto dve jezere dvajsti štrto:  skoro 40 pritužbi na našeg nečastivoga Fašenjka. Člani fašenjskoga odbora z gosponom precednikom Vrapcom su jako zadovoljni i ponosni na nas  Dobravčane! Dok je negda bilo i prek 50 pritužbi, ovih 38 govori da se, no – ne baš preveč, ali ipak malo popravljamo.No, kak bilo da bilo, i ovo malo zla treba pravedno osuditi. Zato, dragi naš Fašenjk, čuj kaj ti imamo reči. Iz sega rečenoga vidi se da si ti jeno veljko zlo. I to zlo koje sako ljeto dojde nazaj. Mi te tu sako ljeto ljepo skurimo i dušu ti pošljemo v pekel. A ti? Kaj ti naprajiš?  Mesto da ostaneš v peklu de ti je i mesto, ti se vrneš nazaj! I ne samo da se vrneš, nego ponovo delaš huncvutarije još vekše i još hujše nego lani. Posla nam zemeš, a ako i delamo, delamo za male plače. Naše mlade, a i fnoge stareše, tiraš vun nek si v tuđem svetu iščeju sljužbu.Napeljaš nas na sakojačke bedastoće radi kojih na špot dojdemo pak sramotu sebi i svoj familiji delamo. Ali ne bantuješ samo obične ljude, nego se v politiku mešaš. Posvadiš naše dobre političare koji se jako bore kaj nam v Dobravi bo ljepše i bolje. I to ti je ne dosta, nego se i v zdravstvo mešaš. Doktori je se menje, redi su se dokši, a ljeki se skoplješi. Zemeš nam veljko zdravstveno ambulanto i stiraš nas v nekov pristrošek. A de nam je opčina? Na nekvem katu de starci dušu spuste dok dojdu do općinski sljužbeniki.A kriv si i kaj nas se menje jega: sako nas ljeto se već na groblje otpeljaš, a se nas menje na svet doneseš.Samo, zapamti si jeno: Kaj boš ti delal, ako nas ne bo?  S kim boš svinjarije speljaval, s koga se boš norca delal i koga boš svadil?Zato, prasec jen stari, dok nas još jega, izričemo ti smrtnu kaznu za se kaj si naprajil.  Skurili te bomo z verom da ti je ovo zadnje.Zbogom! I nek ti duša v peklu zanavek gori kak bu ve zgorelo tvoje telo. A ve, dok ste čuli se naše huncvutarije, a prejdi nego staroga prasca skurimo,štelji bi vam još jempot reći: „Vrabec se na pesku piše, a dok dojde veter, se se zbriše!“I kak smo na početku reklji – ako se što od vas nutri i prepoznal, nek se ne srdi i nek z nosom ne zavija: Se je to samo još jena fašenjkova huncvutarija. 

A ve je vreme za kaznu! (skupa) Vužgite ga!