Vrabec za ljeto dve jezere dvajsti i trečo (2023.) - Općina Donja Dubrava
Disable Preloader

Novosti

Fašenjski odbor je na svoji godišnji skupštini, pod predsedanjem uvaženoga gospona Vrapca, pretepel sve lanjske… probleme i dileme zgode i nezgode komedije i tragedije zafrkancije i huncvutarije i svinjarije koje su se lanjsko ljeto pripetile vu ljepi i dragi nam Dobravi. Preteplji smo se dobravske vuljice i kraje, se udruge i društva, se doktore, veterinare i zubare zadrugare, vinogradare  krčmare, kuhare i konobare mesare i pekare

zidare i tesare eljektričare i dimnjačare malare i grobare gumače i pumpače šnjadere i šujstere vozače i pešake automobiliste i bicikliste traktoriste i kombajniste. Isto tak smo preteplji se one koji delaju, ali i one druge koji ili nemreju ili nečeju se komedijaše i lakrdijaše nogometaše, košarkaše i kuglaše vatrogasce, lovce i krivolovce slogaše i dobravske puhače zdrave i betežne oženjene i neoženjene i se druge naše mangupe i zafrkante. Naljuknuli smo se i v Općinu i pogljedali kaj delaju načelnik, predsednik, pročelnica i referentica, tajnik i blagajnik ali i si općinski dušebrižniki. Fašenjski odbor je donesel odluku da se na denešnji den to se obznani celji Dobravi. No, prejdi nego čujete se naše huncvutarije,  štelji bi vam još jempot reći da se „Vrabec na pesku piše, a dok dojde, veter se zbriše!“ Isto tak ako se što nutri prepozna, nek mam z nosom ne zavija jer je to samo još jena fašenjkova huncvutarija.

TOČKA 1
Vrabec nikak da se sčeka kaj se otpre stara slastičarna kaj pe na sladoled. Morti bu kaj s toga jer ju navodno već tri ljete obnavljaju radniki.
Šifra: radovi u tijeku, radniki nevidljivi
TOČKA 2
Vrabec je primetil nekaj čudnoga: prejdi su naši poljoprivredniki šudra peljali na poljske pote, a ve nekoji šudra peljaju z polja dimo.
Šifra: Imam 10 traktori, nekaj moraju i oni delati .
TOČKA 3
Dobro je biti vreden i za familjiju skrbeti. Ne treba za sako majstora zvati ako vodu i sam gazda zna spojiti. A kak zna vidlo se za tri dni dok mu se pelnica ne pretvorila v olimpijski bazen.  Šifr
a: Moj mož dragi, kaj si fčera delal?
TOČKA 4
Mama i kćer bave se vrtlarstvom. Kaj na vrtu delaju, Vrabec ne zna, ali zna da su se jako žalile i rodbini i susedima i prijateljima. Si su se nad njimi sažalili, saki njim je nakaj dal, i bilo je se v redu.
Šifra: Bolje se žaliti nego na vrtu delati.
TOČKA 5
Jena je udruga dobila novu predsednicu. I se je počelo biti bolje, ljepše, stalno se nekaj piše. Tečeju med i mljeko, alji Vrobec se pita – mislji tak samo precednica ili i ostalji članovi?Šifra:
 Ak je ne na društvenim mrežama, niti je ne bilo
TOČKA 6
V našem općinskom veću imamo i nekaj ženi. Vrabec je dočul da se jena tak ražalostila kaj se skoro rasplakala. Vrabec predlaže da se takve ili takvi – ako nemreju podnesti kaj se na sednici govori – meknu z veća.
Šifra: Oštro, ali pedagoški
TOČKA 7
Vrobec je misljil da je v našem jenem društvo se cakom pakom. No, zgljeda se fkanil jer niti tu ništo nikome ne verje, a inspekcije su isto redoviti gost.
Vrobec preporuča kaj se puške hite v koruzu, a probljemi reše z razgovorom.
Šifra: Si z putrom na glavi manite se oružja
TOČKA 8 Fola je dobra stvor. Kaj ljudi znaju kuljo što ima. Alji Vrobec zno, ili čuje pak je tak čul i jedno našu sumještanku koja se folji da ima penez kaj bi mogla kupiti i pol Slovenije. No, Vrobec je načul da se iza miloga ljica, skriva prefrigani karakter koji si je sposoben prisvojiti herbarijo, alji i groba.
Šifra: Nije vredo rivati se v tuđi grob
TOČKA 9 Vrabec je načul da se v Dobravi osniva  Kan- Kan klub i da mamice tam vode svoje kćerke na treninge. Prvo se navodno „jaše“ na stupima, a potlji ide i zdiguvanje nogi v zrak i delanje špagi.
Šifra: Kan- Kan klub, Fizeš
TOČKA 10Vrabec prosi dobravskog fotografa koji na Internet nameće fotografije ženi z njihovi mobilni podaci. Ljepo je to, ali drugi put nek da nekaj za pravu muško joko, a ne staru hladnetinu i još k tomu plati 1000 eura.

Šifra: Mlajše je slajše a i jeftineše.  
TOČKA 11
Naši lovci proširuju lovište. Tak je jen naš uveženi lovac krenu v lov tijam v Zagreb. Morete misliti kak se iznenedil dok mu se najmput pred autom pojavil veljikiiii jelen. Neje imel čas pušku zvleči pak ga je štel z autom zatoči. Dok je zišel z auta vun, bil je jako razočarani: jelen je ne imel roge niti noge nego se po Zagrebu na kotači po tračnici vozil.
Šifra: Pazi tramvaj!
TOČKA 12
Otvoren je novi foto studio v jeni vuljici blizu Drave. Detaljne informacije morete dobiti ili v samem studiji ili kod čelnika naše općine.
Šifra: Otac i sin
TOČKA  13
Na Dravi se vjutro rano ne loviju samo ribe nego i selski trači. A jen – ve ne znamo je li ribolovac ili tračolovac, najemput se kaj čuje prenese drugima.
Šifra: Od Drave do Poljdija nikaj se ne zabi!
TOČKA  14
Jenoga uveženoga mještana stalno i anonimno prijavljuju neke mještanke. On nema nikaj protiv prijavi, ali bi prosil kaj se potpišu kaju bu znal kojima se dopada, a kojima ne.
Šifra: Se me imaju rade! Ili morti i ne?
TOČKA 15
Si dobro znamo da se novine slabo prodaju, ali sreća kaj imamo dve gospođe koje dobro prezenteraju Dobravu pak se i novine bolje prodovlju.
Šifra: se se more ak se oče
TOČKA 16
Tri mušketira su krenula za novo ljeto kuhat gulješa. I se bi bilo vredu, alji je glavni kuhar mesto ljuka z škrinje zel pečeno zelje. So sreća, mušketiri su na vreme skužili i sprečili ga v naumu, alji što zno – mortik je on imel novu recepturu.
Šifra: nije gulješ gibanica
TOČKA 17
Jena naša dobravska udruga spakovala se na putovanje, na morje, nakon dosta cajta. Večer prije polaska došla je poruka v grupu – Polazak je v 2 vure vjutro. Koga nema do 2:15 i ne javi se – ostavljamo ga. No, to si je očito ne zapamtil i autor poruke jer ne samo da su si poprek zaspali nego so na altobus i dete boso dopeljalji.
Šifra: beži dimo po patike
TOČKA 18
Vrobec prosi se store dečke kaj bodo pazilji kak i kuljko piju jer jeni jeni preteraju pak mesto odimo se zapute k krivi frizerki na večeriju dok već si spiju. Nasreću, žena je imela peseka čuvara koj ju je zbudil, inače bi joj noćni lutajući gost spraznil sega frižidera.
Šifra: kaj sem ne v Nemački?
TOČKA 19
Vrobec je primetil da iznad Dobrave oblječe jedna črna vrana koja se kaj vidi mom prijavljuje, a čak ji niti lovci z puškaj nikaj nemreju makar i tam kvora dela.
Šifra: drugo delo ne poznam
TOČKA 20

Upozoravaju se mještani nek idu na sako javno raspravu koja se oglasi jer nigdor ne znate da bo kome treba čija zemlja. Ako ste i koju prespalji, za zgubo zemlje ste si krivi somi, veljiju.
Šifra: samo legalno
TOČKA 21
Poslovna tajna bi morala biti tajna, alji naša jena obrazovna institucija zgljeda ima dislocirani ured na drugi strani sela pak poslovne tajne nekak prejdu v javne tajne.
Šifra: benzinska pumpa
TOČKA 22
Članovi jedne ugledne dobravske udruge preozbiljno su shvatili učinkovitost ljekovitog bilja. Išlji su na izljet, a kak su znalji da pedu v miomirisni vrt su malo guglali koje su to se učinkovitosti po zdrovlje. Najveć se istaknul ružmarin. Dober je za pamčenje, mozek, probavne tegobe, bolove, protiv stresa, alji je nigdi ne pisalo kak se dozira. Pak se jen kulturni član celji hitl v grm jer kaj je sigurno je sigurno.
Šifra: bolje več nego menje
TOČKA 23
Jedna od fnogih filmskih ekipi ovo ljeto je došla v Dobravo gljet lokaciju za snimanje kaubojskoga filma, a mortik bo kaubojski jer šerifa i pomoćnika već imamo, alji se iščeju statisti koji moreju močati.
Šifra: Dobravski turizam
TOČKA 24
Vrobec prosi dostavljoče buketi v naše inštitucije nek se pri zaljubljenome golubu raspitaju za koga je točno cvetije jer je jen buket tak završil v krivim rokama, a dve su dušice bile ranjenje. Jedna jer je cvetije ne bilo za nju, a taman si je mislila kak se njezin golub zmisljil na točen den, a druga jer se koje kaj moglo zeznati pak je ostola bez cvetija.
Šifra: cvetaju ruže i na Krbulji
TOČKA 25
Vrobec poručuje sima nek reagiraju na vreme ako imaju strgane ograde jer se iste navodno moreju zameniti na ime kanaljizacije. Ured za prijavu se navodno nalazi pri jenome penzioneru na Posrancu.
Šifra: zna se
TOČKA 26
Vrobec je zeznal da je jen mlodi penzioner ribolovac došel na Drovo bez se spreme. Konta od jupola i pribor su ostalji domaj, ne ga bilo nit črvi nit gljisti. Kak si je ne mogel pomoći z ribicami se išel podraviti i kušnuti z mačkicom šetačicom.
Šifra: na Drovi izbora navek jega
TOČKA 27
Jena vrla ekipa se skutila kaj se poberju lješnjaki. Gazde so kak se šika priprajlji piti i jesti v obilnim koljičinama, ali se ispostavilo da su plodovi još nezrelji. Berači su se najelji i napilji, posla pak su prolongeralji za dvo tjene. Gazdama na novi strošek.
Šifra: Stručna osoba
TOČKA 28

Da naši kulturnjaci puno delaju, zojo i vropci na grani. Alji da delaju tuljko kaj precednica zaspi popolne na sastanak je ne znal niti Vrobec.
Šifra: popodnevna dremka

Presuda Fašenjku
Dragi Dobravčani i Dobravčice, ovo je se za ovo ljeto: samo 28 pritužbi na našeg nečastivoga Fašenjka. Dok su to vidlji na svojem sastanku, si su člani fašenjskoga odbora bili jako zadovoljni i ponosni na nas  Dobravčane! Pred 15 ljet smo imelji i po 50 i prek točki, a za ovo ljeto smo komaj skutili malo menje od 30 točki kaj znači da je itak bilo malo menje Fašenjkovi svinjariji. No, kak je se ne samo črno ili samo belo, Odbor bi naši vlasti preporučil jeno znanstveno istraživanje koje bi nam pokazalo zakaj je tomu tak:
More biti da smo se mi Dobravčani jako poprajli.
More biti da smo se uljenili i ne da nam se pisati.
A more biti i da nas je tak malo ostalo v naši ljepi Dobravi kaj hurmastoče nema več što delati.
No, kak bilo da bilo, i ovo malo zla treba pravedno osuditi.
Zato, prasec jen stari, dok nas još jega, izričemo ti smrtnu kaznu za se kaj si naprajil.
Skurili te bumo z verom da ti je ovo zadnje.
Zbogom i nek ti duša v peklu zanavek gori kak bu ve zgorelo tvoje telo.
Vužgite ga!

 

 







Natrag