Fašenjski odbor je na svojem redovitem zasjedanju malo pretepel dobravske probljeme, koji su se na tekočem pripetilji, i donesel je odluku da jih na of način obznani. Ako se što nutri i prepozna nek mam z nosom ne zavija jer je to jena istinita fašenska huncvutarija.
A ve bi još štel povedati nekaj jako važno: Vrobec se na pesko piše, dok veter spuhne se se zbriše!
Točka 1. Nije ljepo ogovorjati naše stare penziće koji živeju pri kraju sela pak si onda najdeju golubice bljizu centra kaj njim je bljizu iti v zdrvstvene, kulturne i zabavne ustanove i to se obavljaju pešice, a dok su bilji domaj moralji su iti z autom kojega njim je žena večpot preforbola z žotom bojom zahoda. Isto tak je ista žena i na golobičinem cvitiju delala pokuse z različitim herbicidima.
Šifra: dobravski galjebe, snađi se!
Točka 2. Dragi mještani ako primetite da v kanalu pred vašom hižom teče mutna voda i ako ne znate kakva je to voda za analjizu se morete obratiti jenomu penzioneru i penzionerki koji obavljaju analjizu te vode na pogljed. Dosta njim je kaj pogljedaju to vodu i mam znaju elj je reč o fekaljijama ilji je voda samo zamučena i naravno o tome obaveste nadlježne organe v naši opčini.
Šifra: vuljica v mutnom
Točka 3. Upozaravaju se članovi političkih stranaka v naši opčini kaj bodo dobro pazilji kaj govore, a pogotovo kaj pišu, za pojedine članove svoje stranke jer se desilo da je jen član zbog grdnoga pisanja o svojemu članu i na sudu završil.
Šifra: zna se!
Točka 4. Prosiju se roditelji ako su malo stareši kaj si na papir zapišeju kuljku imaju dece i da su njim ta deca rođena kaj se na dogodilo kaj mlajšemu sinu čestitaju rođendana i sem povedaju, a za starešega zabiju.
Šifra: oprosti sine!
Točka 5. Si oni kaj živeju v Beverli Hilsu moraju obavestiti šetače da bodo v noč puščalji lampaše v nebo kaj nadu šetači tam kre drave misljilji da su se pojavilji svečari.
Šifra: noć ima svoju moć
Točka 6. Vrabec obavještava se privatnike koji svojim radnikom po par meseci ne davlju plače i koji su svoje doge v predstečajne nagodbe ftopilji da je po novim cirkvenim praviljima to več ne greh. Naprotiv ako ste jen od takvi more se dogoditi da vas čak i uzoriti gospon biškup poseti priljikom posete naši župi i kak jenu uzornu krščansku obitelj. No da bi to ipak zasljužilji morate si z gospodinom veljičasim jako dobri biti, sako nedelju si od hiže k meši hoditi i po mogučnosti koju skopu sljiku cirkvi platiti.
Šifra: božek, božek jako slabo vidiš
Točka 7. Prosiju se žene koje si sadiju cvetije na poto pred hižom nek dobro paze na to cvetije jer bi ono moglo nestati dok se šetači pod ruku šečeju. V prekopu jega cvetnjaka s cvetijem s celje dobrave.
Šifra: prekopska cvečarka
Točka 8. Obaveštavaju se šetači po vuljicama nek ne remete javni red v mirnim dobravskim vuljicima. Ako več tak na glas tračate i kojekaj drugo delate po vuljicama onda vam vrabec preporuča drugu rutu - od poljdija kre drave do vidovskoga mosta. Ako pak imate več toga za rešiti morete iti i do centralje i nazaj.
Šifra: glasni trač v šetnji
Točka 9. Molji se ljepa mlada žena kaj se dok je hladneše vreme bolje oblječe dok ide na šetnju jer su se drugi šetači zabrinulji za nju kaj se nej prehladila i preveč dogo su na mesti drmelji i za njom gljedelji kaj su se oni prehladilji.
Šifra: gospođa s pesekom
Točka 10. Ljepo se molji naš dobravski mesar dok pe drugi pot klat kaj si sebom dopelja drva. Došel je k jeni hiži klat alji si je moral prije nakuriti. Gazda je bil jako žalosten kaj bo prasica nastradala pak se trucal z gemišti, oni su ga fkanilji i tak je zaspal. Mesar je se naprajil sam, a gazda se komaj drugi den oporavil od emocionalnoga šoka.
Šifra: ožaloščeni gazda
Točka 11. Dragi poljoprivredniki ako idete komu sejat kuruzu onda obavestite gazdu jen den predi kaj nej gazda f silji mesto semenske kuruze štel meljo odnesti jer su vreče sljične. Dobro kaj je žena vidla i upozorila moža da nese meljo mesto semenice.
Šifra: kolači ilji sejatva
Točka 12. Prosilji bi pojedine hodočasnike koji idu pešice s prešencijom na proščenje kaj sebom zemo vodu i osiguraju si prevoza za dimo kaj nej tam bilji tak jako žeđni i malo već si spilji vina i onda dimo išlji pod roke pešice i završilji v jorku v koprivaj. Se je dobro prešlo jer je dragi božek poslal dva mlade dečke koji su njih z koprivi zljeklji i z altom dopeljalji dimo.
Šifra: fala, fala, fala naš spasitelju!
Točka 13. Ako ste več stareši penziner najte mam iti vu več mesti, a sebom zemete kartice. Rešavajte jenu po jenu stvar kaj nate zišlji kak jen naš penzioner kaj si je v patiki štel ljeka podiči z konzumovom karticom.
Šifra: naš bubnjar
Točka 14. Ako idete z društvom na daljši pot i to na farmu onda bi se članovi trebalji obavestiti da se ide ob svoji košti kaj nej dimo došlji gladni i žeđni.
Šifra: seoske igre na televiziji
Točka 15. Dok vam sneha dojde k hiži i restira so braču z grunta, mam se zna što je gazda pri hiži i ništo več tu nema pristupa dok ona drugač ne reče.
Šifra: opasna sneha
Točka 16. Ako koljete i jako vam je za svinju naprajte kak je naprajil jen naš gazda. Na vreme je nabavil težake i mesara, a on i žena su bez brige spalji dok je svinja ne bila na remenu.
Šifra: prespavani oproštaj od svinje
Točka 17. Ako nemate kam iti na doček najfalji vam bu iti na dravu. Samo treba dobro paziti dok se kuri peć na drva. Ne puno nametati i stalno se ogljedovlji i voditi brigu o jognju jer si v šumi v derveni koljibi. Ne preveč gljedeti v čašu i karte jer bi ljefku se zgorelo. Dobro kaj su se tam našlji mladi i fljetni dečki pak su brzo skočilji i jognja vgasilji, nekoji z kantami vode z drave, a jen z mini vatrogasnim aparatom.
Šifra: vatru gasi, testovu koljibu spasi!
Točka 18. Jena je soseda kuhala finu kavu kaj je sused prek građe skakal k nji na kavu. Dok je ona moža otprajla na posel si je prislonila lojtru na građu i splozila k njemu na kavu. Tak si je malo korake prišparala. Na kraju su ne znalji koj kuha bolju kavu. Sosed je skokal i naskokal.
Šifra: nastavlja se …
Točka 19. Ako idete nekam na ranč, a sebom zemete i agregata dobro ga pregljete kaj nate svečice menjali, čistilji, natezalji vužince kaj vužge kaj žulja dobite, dimo bežalji po druge ključe za svečice, prekljinjalji radnike na pumpi da je voda v benzinu, gazdu da je dal potrtoga agregata, a na kraju ustanovite da ste zabilji na agregatu benzina otprti.
Šifra: više bab, kilavo dete
Točka 20. Ako idete na zabavu obujte se kak treba, a ne kaj idete v natikači i nemrete vunji pljesati pak plješete bosi, a poslije pljesa natikače nemrete najti. Na zabavi je bil još jen pijan koj je svoje natikače zgubil i obul si je vaše jer je misljil da su njegvi. Sreča kaj je na zabavi bil i vaš pajdoš koj vas je otpeljal dimo kaj ste ne moralji iti bosi pešice.
Šifra: snalažljivi plesač
Točka 21. Prosi se naš najpoznatiji poduzetnik kaj si kupi novoga digitrona jer mu stari zgljeda dobro ne računa. Mesto kaj bi dal otpremninu pošilja čeke za platiti. Vrabec mislji da bi gazdi pod hitno trebal novi digitron ilji penezi kaj pe na pregljed vida kaj se bo vidlo de je greška.
Šifra: zabrinute žene
Točka 22. Ako imate hižo na glavni cesti prosilji bi mlade snehe kaj nado na balkonu popolne trlje orehe jer bi ljudi moglji misljiti da orehe tereju mužu za večer kaj nej mam zaspal, a nije obavil bračnu dužnost.
Šifra: prava žena na se mislji
Točka 23. Ako kupite rakiju i skrijete ju pod kaput kaj na što videl dok ju dimo donesete, a pajdaš več čaka, pazite kak ju zemljete spot kaputa kaj vam ne opane i flaša se potere, a onda ju tužno potrto gljedite. Zato ako ste stareši i nespretni kaj bo sigurno, po rakiju ite z plastičnom flašom i se bo vredu.
Šifra: tugujuči rakijaši
Točka 24. Ako imate radi skijanje morete dojti v jenu našu vuljicu de je otprta steza za slalom. Ako nega snega morete slaloma voziti i z becikljinom, a vljeti dok opane dežđ samo se po „slalomski“ stezi prešečite i auti vas skuplju kaj se nate moralji domaj kupati.
Šifra: trečetravanjska steza za rekreaciju
Točka 25. Prosilji bi osoblje jenoga ugostiteljskoga objekta kaj ljudima koje imaju na večerji poviju elj si moraju donesti žljice zdoma ilji žlice osoblje priproji.
Šifra: pozabljivi konobar
Točka 26. Ako si posudite jočalje od pajdaša onda je i pošteno vrnite jer bi pajdoš mogel biti šlagirani kaj ste njegve jočaljei negdi ostajlji.
Šifra: profesorove brige
Točka 27. Vrabec prosi ekološki neosvještenog mještana koji več dosti ljet kuri sakojačko smetje v centralnem grijanju, a sosedi se dušiju v dimnoj zavesi z njegovoga rora i straho su dok dojde protuljetje i pedu na vrt kaj se ne zadošiju, naj nabu več kuril jer si bodo moralji kupiti gas maske.
Šifra: dugovečni radnik na opčini i njemu sljični
Točka 28. Prosilji bi naše cvečare, vočare i druge poljoprivrednike kaj bi jenumu našemu biznismenu doniralji saki po jenu sadnicu jer ne znamo koaj mu se posušila. Morti mu se od teju koja prime pak na več hodil na opčinu bečat.
šifra: v grm vritnem deset takvi zljeti
Točka 29. Pošto je vlada obečala 1000 euri po novorođenom detetu očekuje se veljki broj trudnici v dobravi. A ve je pitanje što bi mogel dobiti koncesiju za delanje dece. Vrabec mislji da bi se koncesija mogla dobiti prama ljubavnim aktivnostima, samo bi moralji prije ispitati elj je ne prestoro seme kaj nej ženska morala nositi mesto devet, dvanaest meseci.
Šifra: od kolijevke pa do groba najljepše je penzionersko doba.
Točka 30. Molimo cijenjene autore našega vrapca da ne vrše selekciju točaka u vrapcu i to po svojim kriterijima jer se već mnogo puta dogodilo da dosta točaka nije bilo pročitano jer su autori vrapca prepoznali u njima članove svoje uže i šire obitelji. To nije u redu i ako tako mislite i ove godine pisati, bolje da ne pišete ništa.
Cijenjeni naš pisatelju ove točke! Ne pišemo vrapca mi, nego vi, dragi naši Dobravčani, a mi ga samo čitamo. Kaj se rodbine tiče ja vam rodbinu nemam jer so pomrlji, a nemam niti pajdaše jer su me si ostajlji zato kaj čitam vrapca. Imate v nečemu i praf. Nekoje točke zememo fkraj, koje sim ne spadaju. Čitamo samo kaj je smešno i kaj se ne zameri, a ne sakojačke gerdote. To sami rešite z onem koj vam se zameril. Ako pak nemate hrabrosti reči kaj vas bolji vi samo napišite i mi vam bomo to prečitalji samo se dolji potpišite da vi iza te točke stojite. Drugo ljeto vam bo mesto čitači vrapca frajsko pok se prijavite kaj bote vi čitalji se točke koje bodo napisane. Jaki ste dok pišete, a dok treba čitati onda vas nigdi nega. Sramota za Dobravu kaj mora vrapca čitati žena.
Tak, a ve idemu prečitati osudu fašenka.
Plan upravljanja imovinom Općine Donja Dubrava za 2025.godinu
Odluka o odobravanju sredstava - udruge 2025.
29_sjenica_OVa_Donje Dubrave_