Vrabec za ljeto 2014.

15
2 '15

Vrabec za ljeto 2014.

točka 1. prosimo malo jakše gazde dok idu v šumu drva sič noj onda ide i međoš ž njimi, a ne kaj idu težaki sami i dimo dopeljaju međošova drva, tak kaj potlji gazda nej imel z drvi nikvoga probljema.

šiftra: drva zgoriju, čija su gort

točka 2. ako se ženite, a ženska vam je v drugem stanju onda si dobro zračunajte kaj vam ne deju skupa svati i mladenkin porođaj.

šifra: slaba matematika

točka 3. ako nesete k meštru brusit lanca za motorku onda nesite sebom i motorku kaj vam mešter dene lanca dok nabrusi, a ni kaj ga domaj denete napak pak kljenete da vam je lanec ne dobro nabrušeni jer je pila drevo samo gladila.

šifra: bodite vi i dalje pek, a ne piljar

točka 4. prosilji bi gazde koji imate lokala za iznajmiti kaj nadu dalji rodbini koj ima isto prezime kak i oni jer bi moglji ostati bez najamnine, lokala, a boreš i bez hiže.

šifra: druže, snađi se

točka 5. prosimo naše ribiče kaj si dobro pregljedaju čuvaricu za ribe kaj nadu zišlji napak kak je jen naš iskusen ribič koj si broji ribe dok lovi. ve ji imam četrdeset,velji, to mi je za denes dosta čistiti. zdigne čuvaricu, a čuvarica prozna i prelo kak šaka.

šifra: pusta naglost

točka 6. prosilji bi opčinske večnike kaj predi sednice odišlji na duhovne vežbe kaj na sednici nekaj rešilji, a ne kaj se samo svade tak kaj zanje točke dnevnoga reda završiju v operi. vrobec bi predložil kaj ubuduće sednice bodo v operi.

šifra: v krčmi se se reši

točka 7. najte se čuditi kaj su gospodin zabilji dojti posvetiti jenoga objekta koj se na novo otprel. nek „ljepo“ bo ako zabijo za venčanje ilji sprevod. se se ljefko dogodi niti oni su ne več mladi.

šifra: veljke brige

točka 8. prosimo šefove he „dubrava“ kaj bi najavilji dok puščaju vodu. voda se zdigla i jenomu našemo strastvenomu ribiču odnesla ribe i s čuvaricom tak kaj je i mušterija ostala bez rib.

šifra: najte dremati na bačvicaj

točka 9. ako se očete oženiti, a saki pot dok se z mladenkom dogovorite za datom nega mesta za svate i tak se to vlječe par ljet, mladenec mora se zeti v svoje roke i sam zakapariti objekta za svate. konačno svati bodo i se je z mladenkom na dogovoru v objektu srečno prešlo.

šifra: kada dođe mjesec maj

točka 10. upozoravamo dobravske traktoriste kaj nado s traktori po tuđi zemlji hodilji jer bi moglji od gazdaričine zemlje hračke i pljusku dobiti, a i motika je bila spremna na traktoristovu glavu se sputiti.

šifra: po tuđem ne hodim, svoje z motikom branim

točka 11. si znamo dobro kak je bilo napeto dok smo birali precednika ilji precednicu države. bogme i na glasanju je bilo tak napeto kaj si je jen i osobnu ostajil na stolu za glasanje.

šifra: zmeteni

točka 12. dragi mještani! ako gljedite na teljeviziji seljačke igre vitezi kak se boriju v sakojačkim igrama z prošlosti najte i vi probati jer su dva susedi vu vuljici trečega travnja to probalji dok su se posvadilji i završilji na hitni. vrabec predlože kaj se vuljica trečega travnja zvala vuljica franje tahija kaj turisti znalji de se v dobravi odvijaju viteške igre.

šifra: harač, bračo, harač

točka 13. dragi naši penzioneri! ako idete na izlet onda se dogovorite kaj pete jeno vuru predi nek ste do ve išli tak kaj bote ftiglji i na kopanje i v šoping, a ne kaj se tak žurite kaj z sosednega sela ostajite penzionere koji isto z vami idu na izljet. se je dobro prešlo jer su se zonje zmisljilji v đeljekovcu.

šifra: samo smireno i pomalji

točka 14. naše općinske sednice se tonski snimaju, to već si znaju , alji bi se moralje i videom snimati kaj bi se vidlo i što je na sednici jer jeni samo sedijo i nist ne komentiraju. glavno kaj su na broju, jer za to dobivaju dobre peneze. vrabec prosi kaj bi se malo genulji jer zgljeda kak da su na verestovanju, a što zna, morti se za močanje još več penez dobi.

šifra: dremlje mi se, drimlje

točka 15. vrabec prosi auto školje kaj se zapitaju kak to kandidate vočiju voziti. jen dobravčan, mladi šofer, umjetnik dok je spazil poljiciju kaj ga zastavlja samo je produžil jer mo je toboš sonce zasmetalo, alji ga je poljicija dostigla i na kroju je još i napuhal. vrabec mislji da je napuhal od straha, a poljiciju je ne videl jer veljiju: „nemreš gljedeti v sonce, ponicu i poljiciju“.

šifra: sine, dej gasa pak v štacun

točka 16.

ovih božičnih i novogodišnjih svetki smo se zabrinulji da nam bo web stranica opčine postala sljužbena stranica opčine.

šifra: zna se

točka 17. vrabec prosi umirovljenika koj hodi vuhuncvutarije na drovu kaj na to prepovidal svojemu pajdošu jer je pajdoš bil jako znatiželjen pak ga došel štečat dok je of bil v akciji kaj je na zonje i hitna skoro bila treba.

šifra: ja sem najjakši de sem sam

točka 18. dragi dobravčani! ako nešto ima probljeme z oborinskim vodama pak ima preveč vode na gruntu slobonu se javi našemu načelniku za pomoć. jenomu poplavljenomu dobravčanu je načelnik nabavil mljetoga asfalta. vrabec bi prosil poplavljene kaj bilji skromni, a ni kaj si celoga kamijona asfalta dimo otpeljaju, a na kraju ga plati načelnik z svojemi penezi.

šifra: doš mu prsta, a on zeme celu šaku

točka 19. naša vam dobrava ima puno obrtniki koji se v se razmeju. jen naš poznati ugostitelj je štel biti i cimerman pak si je sam hižu prekrival s pljehom, alji kak se žuril je zobil kaj je treba pljeha prišrajfiti za ljetve. dok je prvi veter puhal ,pljeh je ljital po celjem posrancu kaj ga moral naganjati, a što je mogel znati da bo na posrancu cunami. zato bodite navik spremni.

šifra: bmw

točka 20. ako si posudite stolje i klupice od seljačke sloge onda si proverite elj su vredu jer se desilo kaj je na klupicu stala jena članica sloge, klupica je počila i ona je opala dolji. na sreču dobro je prešla kaj si je nikaj ni naprajla, jedino je jenoga gosta jako zbesila.

šifra: visoko letim, nisko padam

točka 21. ako ste malo zaplovilji pak se malo već spilo, a ponica vas zove kaj dojdete po suho meso i klobose, rečite da se nikaj ne čuje. bolje bote tak zišlji nek da poničino hižo, suho meso i klobose iščete po sosedovomu gruntu. sreća je kaj ste ni meso i klobose išlji iskat napolje po koruzi.

šifra: pite v rit, a ne v glavu

točka 22. prosimo naše slogaše dok pobiraju staro željezo kaj se predajo kaj su skutilji. željezo je bilo pri jenem gazdi jer su došlji ponje drugi den. dok su željezo otpeljalji onda su vidlji kaj je gazdina škrinja ostala domaj. valjda su slogaši misljilji da je nutri meso pak su ju zato ostajlji.

šifra: prazna škrinja

točka 23. prosilji bi ribiče ako čuju da ribe idu fest na drovi nek nadu mam ljetelji lovit. sreća je bila kaj je jen naš ribič na pol pota srel pajdoša koj ga pital kam ide, a on je rekel na ribičiju i spazil kaj je štapa domaj ostajil.

šifra: pamet v glovu

točka 24. ako si z altom peljate čuna na drovu to je mam priljika i alta oprati dok čona v dravu puščate. čon je i alta potegel v drovu kaj se alto popravem opral i z vuna i z nutra i tak se napil vode kaj ga traktor komaj vun potegel.

šifra: saka riba plova, alji alto ne

točka 25. naša nova precednica kolinda je jako ljepa žena, tak ljepa kaj se jen z prvomajske vuljice vunju tak zaljubil kaj ji je na plakat puse pošiljal pak se zaljetel v korožnjak i nosa si je potrel.

šifra: ljubaf je bol

točka 26. jen čelavi je štel v operi glumiti viteza, alji zgljeda da si je dosta spil jer si je za protivnika mesto viteza zel lujstera.

šifra: vitez bez konja

točka: 27. dobrovski poslodavci nek poziju dok zapošljavaju radnike z drugoga sela i nek pregljedaju njuve sposobnosti kaj nado imelji poslje probljeme z njuvemi ženami jer radniki poslje radnoga vremena šaraju po okolnim županijama. vrabec prosi poslodavce kaj daju ženama radno vreme kaj žene dejo po svoje može kak i po decu vu vrtić.

šifra: poškvarni moži

točka 28. malji slogaši su išlji na bazene v koprivnicu i bilji su jako uzbuđeni. još bolje su bilji uzbuđeni stareši slogaši – vozači koji su si od veljkoga uzbuđenja zobilji zeti dokomente. imelji su sreču jer su se za dokomente zmisljilji pri ljegradu pak njim je ne bilo dalko se vrnuti se dimo po njih.

šifra: vozačka dozvola